Patoisons sur Blangy

En savoir plus / Les chansons / Patoisons sur Blangy

Patoisons sur Blangy

1
Nou paï r'monte à ché' romains
Ché t'écri su chë parchemins
Din ch'temps lo su ch'térioé d'Blangy
On n'voyoé q'des quênes et du gui
Du coté d'ché mers, chétioé tout rindio
Du coté d'St PO yavoé gramin d'bo
Din l'sin déche vin d'bise
Chétioé tout crinquannes
Et pi d'su l'midi, tout plein d'barbacannes

Refrain :
Aux temps anciens
In résonioé bien, en dinan qu'après PARIS
Qu'ché BLANGY. (bis)

2
Nous tayons yadoraïtes des melons
Des carottes et pi des ognons.
Pis ché druides aveuque éch' famou gui
On fait braire ché braves gins de Blangy
Et gramin pu tard, sous l'Révolution.
On a mor fêté l'déesse raison
Saint Vast d'Blavincourt fit quétecose d'utile
In vnant é ché vin précher lévangile

Refrain...

3
Tous nous rues ché comme des boulevars
On y peux passer tous ché cars
Y l'rivière larque ed' plusieurs mètres
Ou qu'on treuve del'io claire et nette
Ozavons inne mairie, in préau couvert
Inne gare, deux écoles, deux marais bien verts.
Inne église bâtie sous Philippe d'Espagne
Hein molin banal du temps d'Charlemagne.

Refrain...

4
D'hcé pompiers et d'leu brigradier
On in parle din tout l'monde intier
On peut dire éque ché incroyable,
Cha qui pompe quand y sent à table
Ché mineurs sont cranes y font lu main
Parche qui monte d'in ch'train
Fort timpe o matin, mais cha n'impêche pas
Qui lave luzandouilles
In buvant gramin ed pintes ed bistouilles.

Refrain...

5
Déle musique on est fin contin,
Quand al sorte et pis qu'on l'intin
In avant queinte tous ché jones
In arrière tous ché grandes personnes
A tous ché concours international
A l'au tant d'médailles in or, in métal
Et pis poin des p'tites, et pis poien délgères
Qui faudroé deux hommes
Pour porter l'bannière.

Refrain...

6
Dechl bon bure qu'en fait d'pi toudi.
Din gramin de sinces d'Blangy
Ché sinci-res, crasses commes des coales
Yon tartoute in acourchur d'toile
Deux foé tous les moé à ché marchés francs
I vont à Hesdin et deux foé par an
A l'foire à belles billes, à l'foière à belles vaques
Ché carettes sont pleines à rester in raque.

Refrain...

7
Dech' toubaque qu'on fait d'pi longtemps
Pour l'profit du gouvernement
Et ché gins qui veulent el'faire bien
Y z'ion in mau d'galérien
Et malgré che m'zamis, y faites l'pitit
Quand y voiéte arriver Monsieur éche comis.
Mais é ché livraisons, y scrataptent non dézo
In buvant in bon co, din ché bistro d'SIMPO

Refrain...

8
A Blangy on fait du chamaille
Pour z'élections municipales. Yiau deux hommes
Qui mettent toul' monde in l'air
Pour savoièr ech'ti qui s'ro maire
Electeurs em'zamis, acoutez bien chauchi.
Amusons nous tartou, et prénons du plaisir
Et pour z'impécher étoudi bate des ailes
Mettons zé dos à dos com'ché sints d'MARCONNELLE

Refrain...

9
A Blangy ché in peuple ed'vivants.
Qui aiment é bien les divertissements
Com' aujourd'hui in groupe d'habitants
Qui ont réussu avoir d'zéléments
Y on fait v'nir in boxeur
Nommé Charles HUMETZ et sin professeur SION
A veuque ses poings fremés
Y a fait vir az'inglais
Qui n'étio pas né, d'elle dernière couvée.

Refrain...

10
D'elle neuvaine qu'on fait d'plus d'vingt siècles
Pour honorer nou patronne St BERTHE
On peut dire éque tous ché villages
On y vient in pélerinage.
O voyé nous ancêtres y n'étoiéte pas sir bêtes
In v'noéte invoquer nous glorieuse Ste BERTHE
Et sans trop brader, chétoé plusieurs liu
Qui vénoéte à Blangy, même à pieds nus.

Refrain...

11
Ché fott' balleux sont si valeureux
Et qu'tout l'monde, Y n'fait qu'parler d'eux
Y zon com' chef in homme ed'TENEUR
Qui zintrainent tout com' des vrais leus
Mais quand y s'déplacent
Pour aller faire in match
Y arriventé toudi avec ché premiers prix
Et pou zincourager, zé mette à la joie
On za surnommé les lieons du TERNOIS

Refrain...

12
On raisonnoé jamais d'inl'temps
On ne saye pas l'bout qui vo d'vant
On sin vo in quiettant el'monde
Et cha nargadiosé poin personne
Au jour, d'aujourd'hui, Yinnie 800 gins
Deux trois chen d'pourchaux, au moins deux chen tiens
Des vaques et des tores, des qu'vos parfouzaines
Et pour el surplus, j'voul'dirai, l'semaine qui vient.

Refrain...

13
Ezinvasion, ion faitv'nir des gueux
Des allemands qui copoétes ché g'veux
Qui bruloétes les quetres coin del'ville
Et prindoëttent ché plus belles filles
Et y faut espérer qu' chéléyarou lo
Y n'varont pu d'sito ichi com' la bo
Car tous à chacun, prindro sin fusique
Pour défindre l'honneur d'la République.

Paroles de Emile DUQUESNE


Site de Ternois Moteurs Loisirs, spécialiste agricole, motoculture et automobile